 |
|
|
|
“Başqalarının çörәyinә bais ola bilmәrәm”
Faiq Ağayev erotik filmdә çәkilmәmәyinin sәbәbini belә izah etdi
|
|
MİLLӘT
2 dekabr 2000 –ci il
Dünәn müğәnni Faiq Ağayev “Anna Bella” restoranında “Aldatdı mәni” mәhnısına çәkdirdiyi klipin prezentasiyasını keçirdi. Qeyd edәk ki, sözlәri Xanım İsmayılqızına mәxsus mәhnının bәstәkarı Novruz Aslanov, rejissoru isә artıq klipmeykerlik sәhәsindә öz möhrünü vuran, eyni zamanda “Humay” mükafatı lauratı Ülviyyә Könüldür. Aktyor oyunu әsasında çәkilәn klipdә F. Ağayevlә yanaşı, Opera vә Balet Teatrının aktrisası Nailә Mәmmәdzadә, mode Fuad Hacıyev, müğәnninin böyük qardaşı İlham Ağayevin qızı Gülәr Ağayeva vә başqaları çәkilib. Yuz eşitmәkdәnsә, bir dәfә görmәk yaxşıdır mәsәlini xatırladaraq klip nümayiş edildi. Altı dәqiqә davam edәn qısametrajlı filmin süjet xәttini sevgi macәrası tәşkil edir. Belә ki, F. Ağayevin sevdiyi qızı başqa oğlan sevir vә onları ayırmaq üçün plan fikirlәşir. Qızın başqa birisilә әlaqәsini sübut edәn şәkillәri müğәniyyә göndәrir. Bundan әsәbilәşәn müğәnni isә qızdan izahat tәlәb etmәdәn ölkәni tәrk edir vә bir neçә ildәn sonra hәyat yoldaşı vә kiçik qızı ilә vәtәnә dönür. Bu müddәtdә onun Bakıdakı sevgilisinin dә qızı olur. Sonda içkiyә aludә olan qadın avtomobil qәzası nәticisindә hәlәk olur. Vә onun qızı qәbir üstündә F. Ağayevin ikinci qızı ilә rastlaşır. Belәliklә, klip sona çatdı.
Qeyd edәk ki, 42 saata çәkilәn klipin montaj prosesi 2 hәftә davam edib. Çәkilişlәrin Bakı vә Mәrdәkanda aparıldığı söylәyәn müğәnni hәyәcanlı olduğunu bildirdi. Rejissor Ülviyyә Könül isә bildirdi ki, klipin ssenarisi F. Ağayevә mәxsusdur. Klipdә bacarıqlı tәrәf-müqabillәrlә çәkildiyini vurğulayan müğәnni “tәrәf-müqabilәrimdә әn çox bәyәndiyim xüsusiyyәt onların alçaqboylu olmasıdır”, - dedi. Qeyd edәk ki, klipdә erotik sәhnәlәrin olması heç kimin diqqәtindәn yayınmadı. “Erotik filmdә çәkilәrsinizmi?” – sualına cavab verәn müğәnni “Başqaları çörәyinә bais ola bilmәrәm”, - söylәdi.
F. Ağayevin sözlәrinә görә, hәyatda da ona xәyanәt edәn olub. Amma hadissәlәr bilavasitә klipdә olduğu kimi cәrәyan etmәyib. Qeyd edәk ki, müğәnni klipdә hәm dә evlәnir. “Hәytda bu nә vaxt reallaşacaq?” sualını cavablandıran müğәnni söylәdi ki, bu, Allahın işidir. “Nә vaxt halal süd әmmiş qızla rastlaşsam, onda ailә quracağam”, - dedi.
Qeyd edәk ki, dekabrın 29-da F. Ağayevin 29 yaşı tamam olacaq. Bu münasibәtlә müğәnni Respublika Sarayında solo-konsert vermәk niyyәtindәdir. O, “İnsanın iki yaşı olur. Mәncә pasportda yazılan yaş әsas deyil. Әsas odur ki, insan özünü hansı yaşda hesab edir. Mәn özümü 40-45 yaşında hiss edirәm. Çünki indiyyә qәdәr mәhәbbәti, ayrılığı, xәyanәti hiss etmişәm. Valideyn mәhәbbәtini dә hiss etmişәm. Qeyd edim ki, bәndәniz hәm dә 13 yaşlı igidin atasıdır”, - dedi.
Qeyd edәk ki, F. Ağayev ixtisasca aktyordur. Belә ki, o, İncәsәnәt Universitetinin aktyorluq fakültәsini bitirib. Kliplәrdә aktyorluq bacarığını nümayiş etdirmәyә şәrait yarandığını bildirәn müğәnni Azәrbaycanda film çәkilmәmәsindәn tәәssüflәndiyini qeyd etdi. Onun dediyinә görә, әgәr filmә dәvәt alarsa, rolun müsbәt vә ya mәnfi olması onu maraqlandırmaz. Әsas odur ki, ssenari maraqlı olsun. Bu gündәn etibarәn “Baksell” firmasını tәmsil edәn müğәnni bildirdi ki, adı çәkilәn klipin maliyyә xәrcini özü çәkilib. Vә klipi “Humay” mükafatı müsabiqәsinә tәqdim edәcәk. Yeri gәlmişkәn qeyd edәk ki, müğәnni hәm dә “Sәn elә bilirdin” klipindә dәyişiklik edib. Belә ki, adı çәkilәn klip bir ildәn artıq çәkilmәsinә baxmayaraq. Kanallar klipdә texniki qusurlar olduğunu әsas gәtirәrәk klipi nümayiş etdirmirlәr. Ona görә dә müğәnni klipin bәzi fraqmentlәrini yenidәn çәkdirib. | |
