 |
|
|
|
Erotik sәhnәlәrlә Faiq
nәyi sübut etmәk istәyir?
|
|
Mәn vә Sәn
7 dekabr 2000-ci il
Ötәn hәftә “Anne belle” restoranında Faiq Ağayevin “Aldatdı mәni” mahnısına çәkirdiyi klipin prezentasiyası keçirildi. Faiqin bu mahnını kimin üçün oxuduğunu deyә bilmәrәm. Bircә onu deyә bilәrәm ki, Faiqi admatmayanlar, yә’ni mahnının bәstәkarı Novru Aslanov vә şairә Xanım İsmayılqızı tәdbirә hamından tez gәlmişdilәr. Hә, düz başa düşdünüz. Onu aldatmayanların әksәriyyәti bizlәr idik – curnalistlәr. Әlqәrәz, deyilәn vaxt tamam olsa da, mәclis bir az gec başladı. Әvvәlcә klipә baxıldı. Klip nә klip! Qısametrajlı film şәklindә tamaşaçılara әqdim olunan bu klipdә aktyordan tutmuş manekenә qәdәr hamı çәkilib. Görünür, şairә Xanım İsmayılqızı (Xatırladım ki, Faiq özü Xanıma Canım xanım deyә müraciәt edir. Әcәb sözdur, lap adamın ürәyinә yağ kimi yayılır. – Yarasa) bu mahnının sözlәrini yazarkәn, gözlәrinin önünә Faiq Ağayevi gәtirib. Әgәr belә olmasaydı, müğәnni klipdә özünә hәddindәn artıq әl qatmazdı. Hәr halda klip pis alınmayıb. Maraqlı kadrlar çoxluq tәşkil edir. Әn cәlbedicisi isә Faiqin çәkildiyi erotik sәhnәlәrdir. Klipin prezentasiyasında erotik sәhnәlәrin nümayişi zamanı tamaşa edәnlәr özlәrini saxlaya bilmәyib, sәs-güy salmağa başladılar. Doğrudan da, maraqlı idi. Klipdә Faiq qızla erotik sәhnәdә çәkilib. Klipә baxıb qurtardıqdan vә çәkiliş heyәti ilә tanış olduqdan sonra әsas mәsәlәyә keçdik. Müğәnniyә bir-birindәn fәrqli suallarla müraciәt edәn jurnalistlәr nәdәnsә klipdәki erotik sәhnәlәrә biganә qaldılar. Dilimi dinc qoymayıb, suallarımı vermәyә başladım. İndi Faiqlә apardığım hәmin deyişmәni sizlәrә çatdırıram:
Faiq sizin haqqınızda cürbәcür şayiәlәr gәzir. Bunlara münasibәtiniz necәdir?
Çox normal. Mәn haqqımda dolaşan şayiәlәrin heç vaxt fәrqinә varmamışam.
Çox maraqlıdır. “Aldatdı mәni” klipindә sizi erotik sәhnәlәrdә gördük. Faiq Ağayev bununla nәyi sübüt etmәk istәyir?
Әvvәlki kliplәrimin birindә, yәni “Sәn elә bilirdin”dә erotik sәhnәlәr var idi vә inanın mәnә, bunu özüm üçün prinsip götürülmәmişәm. Әgәr süjet bunu tәlәb edirsә, mütlәq belә sәhnәlәr dә olmalıdır.
Bәs erotik sәhnәlәrdә çәkilmәk ideyası kimә aiddir?
İdeya mәn mәxsusdur vә qürur duyuram ki, bu cür sәhnәlәrә ilk dәfә mәn çәkilmişәm.
Yәqin, müğәnni Faiqi erotik filmlәrdә dә görmәk olacaq…
Erotik filmdә? Vallah mәn öz çörәyimi yemәk istәyirәm.
Daha sonra klipә yenә baxıldı. Klipin rejissoru Ülviyyә Könül dә söhbәtindә bildirdi ki, “Aldatdı mәni” analoqu olmayan qısametrajlı filmdir.
Sözardı: “Azersell”in yaxın dostu olan Faiq Ağayev, deyәsәn, indi dә “Baksel”lә dostlaşıb. Bunu çox sadә şәkildә açıqlayan müğәnni onu da bildirdi ki, XX әsrdә verәcәyi sonuncu solo-konsertin sponsorluğunu da elә “Baksel” şirkәti edәcәk. Faiq daha sonra onu da bildirdi ki, bu yaxınlarda jurnalistlәrә yenidәn görüşәcәk. Maraqlıdır, görәsәn, yuxarıdakı deyişmәmizdәn sonra o, mәni hәmin mәclislәrә dә’vәt edәcәkmi?
|
|
|
|
