“Azәrbaycan”
8 sentyabr 1995-ci il
<< back
Sovet estradasının ulduzu Klavdiya Şuljenko adına birinci beynalxalq estrada mahnısı festivalında hәmyerlimiz Faiq Ağayev nәinki doğma şәhәrinin vә öz ölkәsinin, hәm dә bütün Qafqazın yekanә nümayәndәsi idi. Festival sentyabrın 1-dәn 2-dәk gözәl müğәni Şuljenkonun vәtәnindә keçirilmişdir.
Beynalxalq müsabiqәlәrin (Vitebsk-90), indiki “Slavyan bazarı” vә 1992-ci ilin Yalta telemüsabiqәsi) ikiqat laureatı olan Faiq özünün әvvәlki qәlәbәlәri sayәsindә 13 ifaçı sırasında olmuşdur. Bu ifaçılar Xarkova 10 yaxın vә uzaq xarici ölkәdәn dә’vәt edilmişdilәr – laureat adının olması labud şәrt idi vә bu, festivalda iştirak etmәk hüququ verirdi.
Gәnc Azәrbaycan müğәnnisi axırdan ikinci çıxış etmişdir. Onun tәqdim etdiyi hәr iki mahnının – tәlәb olunduğu kimi. Klavdiya Şulcenkonun repertuarından “Dostluq” (“Gәl, bir-birimizin әlini sıxaq…”) mahnısının vә bәstәkәr İlham Abdullayevin şair Sәlim Hәqqinin sözlәrinә yazdığı “Naz elәmә” xalq mahnısının ifasının yüksәk peşәkarlıq sәviyyәsi layiqincә qiymәtlәndirilmişdir. Mәşhur soprano sәsә malik, xalq artisti Yelena Miroşniçenkodan (sәdr), Nani Breqvadzedәn, nәğmәkar şair Yuri Rıbçinskidәn, xalq artisti Yuri Boqatikovdan vә ifaçılıq mәdәniyyәti sahәsindә digәr nufuz sahiblәrindәn ibarәt tәlәbkar münsiflәr hey’әti hәmyerlimizә festivalın laureatı adınıq vә üçüncü yeri vermişdir.
Faiq Ağayev milli әn’әnәlәrә qayğıkeş münasibәtә görә tәşkilat komitәsinin mükafatını vә “İncә zövqlu cәnab” obrazına görә festivalın mәtbuat xidmәtinin mükafatını da qazanmışdır.
Beynalxalq müsabiqәlәrin indi artıq üçqat laureatı olan Faiqi tәbrik edirik!
Onu da demәk istәrdik ki, hәmyerlimizin Xarkov festivalında iştirakı ona Azәrbaycan Respublikasının Mәdәniyyәt Nazirliyi, “Azәrbaycan Hava Yolları” Konserni, İntergeo-Tetis millәtlәrarası televiziya şirkәti, Habelә Faiqin mahnılarının fonoqrama yazıldığı ANS-Rekordz studiyası vә müğәnninin geyiminin qeydinә qalmış “Harmoniya” adlı özәl moda salonu tәrәfindәn göstәrilmiş yardım sayәsindә mümkün olmuşdur.