"Mәtbuat" bölümünә qayıtmaq üçün.

Faiq Ağayev yenә dә solo konsert verdi Üç nöqtә 20 iyun 2000 Müğәnni konsertdәn sonra gül alveri ilә mәşğul olacağını söylәdi Gözlәğmәk mәşhurların adәtidir. İyunun 16- da Şәhriyar adına Mәdәniyyәt Klubunda Azәrbaycan estradasının ulduzu, “Humay” mükafatı laureatı, “Cәnab Qızıl Şlyaqer” Faiq Ağayev dә seyrçilәrini nә az, nә çox düz yarım saat gözlәtdi. Faiqi gözlәmәkdәn gözlәrinin kökü saralan tamaşaçılar tez-tez әl çalırdılar ki, o sәhnәyә çıxsın. Müğәnninin gecikmәsi tamaşaçılarda әmәlli-başlı narahatçılıq doğurdu. Nәhayәt, işıqlar söndü. Pәrdә açılan kimi “Qızıl Şlyaqer” әlindә yaylıq “Zalım” mahnısını ifa edәrәk sәhnәyә çıxdı. Müğәnni canlı oxuyurdu. Ümumiyyәtlә, son zamanlar solo konsert verәn müğәnnilәrimizin canlı ifaya üstünlük vermәlәri sevindirici haldır. Әlbәttә ki, istisnnalar da var. Mahnı bitәndәn sonra o tamaşaçıları ilә görüşüb halәhval tutdu. “Bilirәm ki, siz mәnim üçün çox darıxmısınız. Elә mәn dә sizin üçün darıxmışam. Konsertin iәşkilatçıları – “STV” telekanalın nümayәndәlәri mәnә deyәndә ki, solo konsert ver, әvvәlcә tәrәddüd etdim. Fikirlәşdim ki, isti yay günündә konsertә gәlәn olmayacaq. Әksәriyyәt indi bağda dincәlir. Ancaq sizlәr üçün çox darıxdığımdan imtina emәdim” Faiq bәy qısaca söhbәtindәn sonra növbәti mahnısının tәqdimatına keçdi. Müğәnni ifa edәcәyi mahnı ilә seyrçilәrini bir qәdәr keçmişә qaytarmaq istәdi. Ancaq dәrhal da bu fikirdәn yayındı. “Bu yaxınlarda qayğıkeş insan, istedadlı bәstәkәr-ifaçı, әn nәhayәt, nazirimiz Polad Bülbüloğlunun solo konsertindә oldum. Bu mahnını P. Bülbüloğlunun ifasında dinlәdikdәn sonra gördüm ki, heç zaman köhnәlmәyәcәk. O dövrdә olduğu kimi indi dә mәşhurdur”. Faiq bәy “Gәl ey sәhәr”i ifa etdi. İnsafәn pis dә oxumurdu. Mahnı bitәndәn sonra müğәnni ansambılın üzvlәrini tәqdim etdi vә bildirdi ki, yaradıcılığında bu istedadlı “uşaqların” rolu olduqca bәyükdür. Faiq sözarası hәmin gün toya dәvәtli olduğunu da dedi. “Mәn yazıq konsertdәn sonra gedәcәm”. Müğәnni Polad Bülbüloğlunun repertuarından daha bir mahnı ifa edib duetә keçid aldı. O: “mәn indiyә kimi seçmә adamlarda duet oxumuşam. İlk dәfә estradamızın populyar müğәnnisi Flora xanımla oxumuşam. İkinci dәfә isә milli televiziyanın “gözü” Nәrgiz Cәlilova ilә oxudum. Nәrgiz xanım da sizlәrin arasındadır. Mәn bu mıhnını mәhz ona, onun simasında bütün qadınlara vә elәcә dә bütün qonaqlara ithaf edirәm” dedi. F. Ağayev “Xatirәlәr nә gözәldir” nәğmәsini ifa edә-edә zala endi vә Nәrgiz Cәlilovaya yaxınlaşdı. Müğәnni ilә diktor sıcaqcasına görüşüb birlikdә ifa etdilәr. Yenidәn sәhnәyә qayıdan Faiq әn sırada olan bütün qızları örmәyi dә unutmadı. Bundan mәmnuluq duyan gәnc qızlar da kumirini öpürdülәr. Faiq “Küsәyәn qız” mahnısını ifa etmәyә başlayır. Müğәnninin azyaşlı tamaşaçıları sәhnәyә axışıb onunla birgә rәqs edirdilәr. Balacaların rәqsindәn riqqәtә gәlәn Faiq diz üstә çöküb çiyәnlәrini oynadırdı. Zalda әylәşәn isә әl yaylıqlarını havada yellәdirdilәr. Mahnı bitәndәn sonra tamaşaçılar müğәnnini gül dәstәlәrinә bürüdülәr. Faiq tәşәkkürünü bildirib, zarafatyana “mәnә elә gәlir ki, sabah gül alveri ilә mәşğul olacam”-dedi. Kiçildilmiş mikrofon sәhnәnin ortasına gәtiildi. Faiq bәy mikrofona baxıb “mәnim boyum balacadır deyә, mikrofonu bu qәdәr balaca elәmisiniz” söylәdi. Müğәnni öz boyu ilә mikrofonu tutuşdurdu vә “insafınız olsun, mәn belә dә balaca deyilәm axı” dedi. “Әlbәttә, bütün bunlar bir zarafatdır, indi sizә zәrbçim solo çalacaq”. Faiq bey zәrbçini tamaşaçılarla tәkbaşına buraxdı. Sәnki bu addımla o öz anamlının üzvlәrini imtahana çәkirdi. Qәtiyyәtlә demәk olar ki, zәrbçi bu imtahandan müvәffәqiyyәtlә çıxdı. Faiq bey sәhnәyә döndü. Özü dә yeni libasda. Әynindәki geyimini göstәrib “deyәsәn, xoşunuz gәlmәdi. Niyә heç bir reaksiya vermәdiniz”-deyә söylәdi. Bu zaman zalı alqış sәslәri götürdü. Faiq bәy geyimin tamaşaçılar tәrәfindәn bәyәnildiyinә әmin oldu. “İki ildәn artıqdır ki, mәn sәhnә paltarlarımı “Andrey” firmasında alıram. Yeri gәlmişkәn, firmanın müdiri Şapur bәy dә sizlәrin arasındadır”. Müğәnni Şapur bәydәn ayağa qalxmasına xahim etdi. Tamaşaçılar firma müdirini dә alqışladılar. Bu arada müğәnni şux mahnılardan ibarәt popuri ifa etdi. Tamaşaçıların әksәriyyәti yerlәrindәn qalxıb rәqs edirlәr. Müğәnni dә zala enib tamaşaçılarla bircә rәqs etdi. F. Ağayev növbәti mahnısını sevәnlәrә ithaf etdi. “Hәyatda sevgidәn, mәhәbbәtdәn tәmiz, nәşәli lәzzәtli duyğu yoxdur. Hәr birinizә ülvi sevgi arzulayıram. Sevin, sevilin”. Müğәnni bu sözlәrdәn sonra repertuarında olan әn populyar mahnısı – “Dәşti”ni ifa etdi. Bu mahnı zalda tamam başqa bir ab-hava yaratdı. Elә bil konsertә gәlәnlәr mәhz bu mahnının hәsrәtindә idilәr. Müğәnni hәmişә olduğu kimi bu dәfә dә “Dәşti”ni olduqca gözәl ifa etdi. Ardınca isә xalq mahnılarını oxudu. Hәmişә dosta sәdaqәtli olduğunu söylәyәn gecәnin sәbәbkarı bu dәfә dә onları yaddan çıxarmadı. Hәtta zalda әylәşәn dostlarını adbaad sadaladı da. “Dostlarımın hamısı mәnim can-ciyәrimdir. Ancaq valideynlәrim mәnim әn yaxın dostlarımdır”. Faiq bәy üzünü anasına tutub “oğlunuzun solokonsertinә xoş gәlmisiniz” dedi. Sonra o bütün mehriban dostlar üçnü “Әziz dost” mahnısını ifa etdi. Faiq daha bir neçә mahnı ifa edib özünü sınamaq üçün meydanı skripkaçıya, öz tәbirincә desәk, maestro Ceyhuna verdi. Faiq bir neçә dәqiqәdәn sonra yenidәn sәhnәyә qayıtdı vә repertuarından bir neçә mahnı ifa etmәklә konsertә yekun vurdu.