 |
|
|
|
Faiq Ağayev yenә xeyriyyәçilik edib
|
|
AZADLIQ
20 oktyabr 2000
Bu dәfә müğәnni hәrbiçilәrin qeydinә qalıb. Oktyabrın 18-dә “cәnab Qızıl Şlyager” müstәqillik günü münasibәtilә solo konsert verib. Binәdәki hәrbi hissәlәrdәn birinә gedәn müğәnni hәrbiçilәrin qarşısında iki saatlıq canlı konsertlә çıxış edib. İki hissәdәn ibarәt konsertin aparıcısı aktyor Allahverdi Yolçiyev olub. Faiq ikinci hissәyә hazırlaşarkәn, yәni antrakt vaxtı aktyor dә hәrbçilәrә yumoristik proqramını tәqdim edib. Konsertdә Faiqi müşayiәt edәnlәrin dediyini görә, әsgәrlәr müğәnniylә görüşdәn olmazın lәzzәt alıblar. Xatırladaq ki, peşәkәr sәhnәdә 12 illik fәaliyyәti dövründә Faiq Ağayev dәfәlәrlә hәrbi hissәlәrin qonağı olub.
Maraqlı burasıdır ki, növbәti xeyriyyәçiliyә Faiq elә bir vaxtda qol qoyub ki, әslindә boynuna götürdüyü proyektlәri gerçәklәşdirmәk üçün indi görәk birә beş işlәyә. Nә mә’nada ? Faiq Ağayev pәrәstişkarlı qarşısında xeyli böyük öhdәliklәr götürüb. Әvvәla, çoxdan bәri hazırladığı yeni diskin vә “Aldatdı mәni” klipinin prezentasiyası keçirilәcәk. Yәni hәr iki iş tamamlanmaq üzrәdir; qalıb layiqli formaya gәtirib pәrәstişkarlara tәqdim etmәk. Daha sonra Faiq növbәti solo konsertinә hazırlaşacaq. İlin axırıyçün keçirilmәsi nәzәrdә tutulan solo konsertin möhtәşәm şouya çevrilәcәyi gözlәnir. Sәbәb? Axı Faiqin budәfәki konserti hәm yuzlliyini, hәm dә minilliyin son şousu olacaq; müğәnni ötәn yuz ili dә, elә min ili dә yüksәk sәviyyәdә yola salsın gәrәk; yәni Faiqin adına layiq.
|
|
|
|
