 |
|
|
|
Ürәk istәr bir quş ola…
|
|
BİZNES PRESS
27.01.1996
Faiq, ilk dәfә sәhnәyә çıxdığınız günü necә xatırlayırsınız?
Mәnim ilk dinlәyicilәrim uşaqlar olub. Hәlә kiçik yaşlarımda bağçaya getdiyim günün ertәsi hәmyaşıdlarım üçün oxumuşam. Peşәkәr sәhnәdә isә ilk dәfә 1988-ci ildә keçirilәn “Bakı payızı” estrada müsabiqәsindә E. Mansurovun “Әn әziz gün” mahnısı ilә çıxış etmişәm. Sәnәtin ilk lәzzәtini mәn o müsabiqәdә daddım. Hәmin o lәzzәt dә mәni müsiqiyә bu qәdәr bağladı. Elә bağladı ki, bir daha sәnәtdәn ayrıla bilmәyәcәyimә inandım.
Bir mahnının lentә yazılması tәxminәn neçәyә başa gәlir?
Hәr halda ucuz başa gәlmir. Sadәcә onu deyә bilәrәm ki, indiyә kimi 60-a yaxın mahnı yazdırmışam. Vә әgәr mәn özüm bütün mahnılarımın sponsou olsaydım, tez bir zamanda bankrot olardım.
F. Ağayev hansı musiqiyә üstünlük verir?
Peşәkәr müsiqiyә. Mәnim üçün әn başlıcası sәviyyәdir. Musiqin hansı janrda yazılmasından asılı olmayaraq “yaxşı” vә “pis” musiqi var. Zövqlә yazılmış musiqiyә üstünlük verirәm.
Sәsinә vә şәxsiyyәtinә pәrәstiş etdiyiniz müğәnni?
Rәşid Behbudov vә Polad Bülbüloğlu.
Faiq, eşitdiyimә görә siz fonoqramlarınızı Rusiyada yazdırırsınız. Bu nә dәrәcә doğrudur vә nә ilә әlaqәdardır?
Tamamilә doğrudur. Mәn 1992-ci ildә Sankt-Peterburqun sәsyazma studiyalarının biri ilә müqavilә bağlamışam. Bu da hәmin studiyanın texniki avadanlığının yüksәk sәviyyәsi ilә әlaqәdardır. Amma, son zamanlar Bakıda mәni qane edәn 2 provessional sәsyazma studiyası fәaliyyәt göstәrir ki, mәn onların da xidmәtindәn istifadә edirәm.
“BİZNES PRESS” qәzetinә vә onun oxucularına sözünüz, arzularınız?
Qәzetinizә yalnız düzgün, maraqlı mә’lumatlar vә hәmişә populyar olmağı arzulayıram, Şou-biznes böyük mәhfumdur, vә jurnalistika da müğәnnilik sәnәti kimi onun bir qoludur. Odur ki, sizә artıq bir hәmkarlarım kimi uğurlar dilәyirәm. O ki, qaldı oxuculara, qәzetiniz iş adamları üçün nәzәrdә tutulduğundan, mәncә onun oxucuları da әsasәn biznesmenlәrdir. Onlara bizneslәrindә müvәffәqiyyәtlәr arzulayaraq, istәrdim ki, respublikanın imkanlı adamları Azәrbaycan milli estradasının problemlәrinin hәllindә öz xidmәtlәrini әsirgәmәsinlәr.
|
|
|
|
