ilin vә әsrin son konsertini verdi
“Üç nöqtә”
30 dekabr 2000
<< back
Hәr ilin sonunda populyar müğәnni Faiq Ağayev il әrzindә gördüklәrinin yekunu olaraq konsert verir. Bu dәfә dә o, әnәnәsinә sadiq qaldı. İki gün әvvәl Respublika sarayında müğәnni ilin vә әsrin son konsertini verdi. Ancaq o ilk öncә Saray qәsәbәsindә yerlәşәn 7 saylı Ağıldan Zәif uşaqlar üçün internat mәktәbindә görüş keçirdi.
Faiq konsert proqramı ilә birgә uşaqlara yeni il hәdiyyәsini dә tәqdim etdi. Uşaqlar Anadolu restoranının dadlı xörәklәrinә vә Koka-Kolaya qonaq oldular. Anasının xeyirduası ilә әlil uşaqlarla görüşә gәlәn Faiq hәm onların arzuadığı mahnıları ifa etdi, hәm dә әlil uşaqların ona hәdiyyә etdiyi mahnı tәhvәlәrini dinlәdi. “Mәn bir neçә ay bunda öncә dә bu uşaqlarla görüşә gәlmişdim. Lakin o zaman konsert verә bilmәmişdim. Onlar mәndәn xahiş etmişdilәr ki, konsertim olan zaman onları da dәvәt edim. Bu uaşqların içәrisindә yalnız 45-50 nәfәrinin konsertә gәlmәsi mümkündür. Qalanları isә tamam hәrәkәtsizdirlәr. Ona görә dә qәrara aldım ki, Respublika sarayında konsert vermәzdәn әvvәl buradakı uşaqlarla görüşüm. İndi mәn özümü çox rahat hiss edirәm. Sәnki çiyinlәrimdәn böyük bir götürülüb” deyә müğәnni bidirdi.
Respublika sarayındakı solo konsertinә müğәnni yeni görünüşdә çıxdı. Elә saçlarının rәngini dә hәmin konsert üçün dәyişdirmişdi.
Zalda canlama vardı. Faiqin ifa etdiyi mahnılar pәrәstişkarlarının zövqünü ox şayırdı. Hәtta onların bәzilәri yerlәrindәn müğәnni ilә bәrabar onun oxuduğu mahnıları ifa edirlәr. “Aldatdı mәni” mahnısı tamaşaçıların xüsusi alqışlarına sәbәb oldu. Qeyd edәk ki, konsertdә onu “Kreyzi” şou-balet vә “Aysel” qrupları müşayiәt edirdi. Qonaqlarına xüsüsi diqqәt göstәrәn F. Ağayev onları da tamaşaçılarına tәqdim etmәyi unutmadı. Qonaqlar sırasında “Taclı primadonna” – İlhamә, Samir Bağırov, şairә-bәstәkar Xanım İsmayılqızı vә başqaları da vardı. Onların arasında populyar müğәnnimiz Aygün Kazımova da olmalı idi. Ancaq nәdәnsә. Aygün xanım hәmkarının konsertinә gәlmәmişdi. Konsertin digәr qonaqların tәqdimatı isә zalı әmәlli başlı ayağa qaldırdı. Onlar “İyirminci әsrin çempionları” adını qazanmış “Bakılı oğlanlar” kamandası idi. “Bakılı oğlanlar”ın ilin vә әsrin son konsertindә iştirakı hәm Faiq üçün, hәm dә konsert iştirakçıları üçün әsl bayrama çevrildi. Konsertin kulminasiya nöqtәsi isә Faiqlә “KVN”şik Tahir İmanovun “Dәşti”ni oxuması oldu. Faiq öncә sәhnәdә “Dәşti”nin birinci hissәsini ifa etdi. Sonra Mәcnun libasında sәhnәyә Tahir çıxır. Tәbii ki, özünәmәxsus ifa tәrzindә. Faiqlә Tahirin dueti hәqiqәtәn dә gözәl alınmışdı. Mәhz bu ifadan sonra tamaşaçılar arasında әylәşәn Özbәkistan sәfiri sәhnәyә çıxaraq milli geyimlәrini müğәnniyә tәqdim etdi. Faiq әynindәki milli paltarla Fikrәt Әmirovun bir kompazisiyasını tәqdim etdi. Ardınca isә repertuarında olan son vә yeni nәğmәlәrini dә tamaşaçılarına bәxş etdi. Belәliklә, ilin vә әsrin son konserti başa çatdı.
Sonda: Bu gün poulyar müğәnnimiz Faiq Ağayevin doğum gündür. Bu münasibәtlә müğәnnini tәbrik edirik vә ona yaradıcılıq uğurları dilәyirik.